سیلاب توں متاثرہ علاقیں اچ ضروری خدمات دی فراہمی کیتے وݙے پیمانے تے کوششاں جاری ہن ،وزیر اعظم شہباز شریف

اسلام آباد۔3ستمبر (اے پی پی):وزیر اعظم شہباز شریف آکھیے جو سیلاب توں متاثرہ علاقیں اچ ضروری خدمات دی فراہمی کیتے وݙے پیمانے تے کوششاں جاری ہن ، ھک ٹویٹ اچ انہاں آکھیے جو پاکستان نیشنل ہائی وے اتھارٹی،ڈسکوز،ٹیلی کمیونیکیشن اٹھارٹی اتے بئے وفاقی محکمے مشکلات دے باوجود بہترین کم کیتے ۔ وفاقی ادارے وݙی تعداد اچ متاثر تھیوݨ آلے انفراسٹرکچر دی بحالی اچ مصروف عمل ہن۔سارے سرکاری آفیسران اتے ملازمین کوں خراج تحسین پیش کرینداں ۔ھک ٻئے ٹویٹ اچ وزیر اعظم شہبازشریف آکھیے جو سیلاب توں بلوچستان،سندھ اتے خیبرپختونخوا اچ بجلی دے نظام کوں ضیان پڄے ،متاثرہ علاقیں اچ بجلی دی فراہمی یقیناً ھک ٻہوں وݙا چیلنج ہئی ، انہاں آکھیے میں خاص طور تے سیکرٹری پاور ڈویژن راشد لنگڑیال اتے انہاں دی ٹیم کوں مبارخ ݙینداں جنہاں ݙینھ رات محنت کرتے بجلی دی بحالی کوں یقینی بݨائے۔

مضمون کا ماخذ : پرامڈ ادا کرتا ہے۔

متعلقہ مضامین