الیکشن کمیشن دا وزیراعظم دے سٹاف آفیسر وقار علی کوں ڈپٹی کمشنر شیخو پورہ تعیناتی دے احکامات جاری کرݨ دا حکم

اسلام آباد۔23اکتوبر(اے پی پی) الیکشن کمیشن وزیراعظم دے سٹاف آفیسر وقار علی کوں ڈپٹی کمشنر شیخو پورہ تعیناتی دے احکامات جاری کرݨ دا حکم ݙے ݙتے۔ سنوار کوں چیف الیکشن کمشنر دی سربراہی اچ ترائے رکنی بنچ کیس دی سماعت کیتی۔الیکشن کمیشن اچ سیکرٹری اسٹیبلشمنٹ تے سیکرٹری الیکشن کمیشن پیش تھئے۔ سیکرٹری اسٹیبلشمنٹ مؤقف اختیار کیتے جو پنجاب حکومت توں ڈپٹی کمشنر دی تعیناتی کیتے آکھیا ڳئے ،ڈپٹی کمشنر شیخوپورہ دے احکامات واپس نی ڳھدے ۔چیف الیکشن کمشنر ریمارکس ݙتن جے حکومت ڈپٹی کمشنر شیخوپورہ دی بجائے قصور تعینات کریندی تاں کوئی اعتراض کائناں ہئی ۔سماعت دے بعد الیکشن کمیشن سٹاف افسر ٹو پرائم منسٹر وقار علی کوں وختی ریلیز کرݨ دا حکم ݙے ݙتا تے سیکرٹری الیکشن کمیشن کوں تحریری طور تے احکامات جاری کرݨ دی ہدایت کرݙتی ۔چیف الیکشن کمشنر ریمارکس ݙتن جو ایں معاملے اچ ݙوہیں حکومتاں شامل ہن،وزیر اعظم دا ٻہوں احترام اے انہاں دا حق اے جو آپݨا سٹاف رکھن ۔ چیف الیکشن کمشنر ہدایت کیتی جو وقار علی کوں ڈپٹی کمشنر شیخوپورہ تعیناتی دے تحریری احکامات جاری کیتے ویسن ۔

مضمون کا ماخذ : را کی کتاب

متعلقہ مضامین