قوم او ویلھا نئیں بھلی جڈاں پتر پیو کوں ، چاچا بتھریجے کوں صدر انور مجید کوں سبسڈی ڈیندا ہئی ، وزیراعظم دی معاون خصوصی اطلاعات و نشریات ڈاکٹر فردوس عاشق اعوان

اسلام آباد ۔ 8 اپریل (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو اپوزیشن رپورٹ کوں سیاسی رنگ ڈیونڑ دی بجاےے عمران خان دے جذبے دی تعریف کیتی اے تاریخ اچ خود احتسابی دی روشن مثال قائم کیتی، حکومت تے وار کرنڑ دی بجائے اپوزیشن کوں اپنڑاں حساب ڈیونڑاں پوسی ، انہاں دی تاریخ مفادات دے ٹکراو نال بھری اے ۔ بدھ کوں وزیر اعظم دی معاون خصوصی اطلاعات و نشریات ڈاکٹر فردوس عاشق اعوان آکھیے جو قوم او ویلھا نئیں بجلی جڈاں پیو پتر کوں، چاچا بتھریجے کوں تے صدر انور مجید کوں سبسڈی ڈیندا ہئی ، مسابقتی کمیشن جیہوجا اداہر انہاں دے ہتھوں یرغمال بنڑیا ہویا ہئی ، اتھاں او بندہ تعینات تھیندا ہئی جیرھا ایں مافیا دے مفادات کوں تحفظ ڈیندا ، 6خاندان 50فیصد توں ودھ کھنڈ تے کنٹرول کریندے ہن ۔ انہاں آکھیے جو ماضی اچ عوام دی بجائے مخصوص طبقہ فائدے چیندا رہیا ، نویں پاکستان اچ اے اجازت ہرگز کائناں ملسی ، وزیراعظم عمران خان اپنڑے عمل توں ثابت کیتے جو کوئی قانون توں اتے کائنی ، عمران خان یا انہاں دے خاندان اچ کہیں دی کوئی شوگر مل کائنی ۔انہاں آکھیے جو رپورٹ پبلک کرنڑ دلیل اے جو وزیراعظم دی ترجیح کجھ لوکاں دے مفادات دا تحفظ کائنی پاکستان دے عوام دے مفاد دا تحفظ اے ۔

مضمون کا ماخذ : dupla sena acumulada

متعلقہ مضامین