اپوزیشن دی خواہش تے احتساب نئیں رُک سگدا، قوم دا لٹیا پیسہ ولا ولنڑاں چاہیدے، وزیر اطلاعات و نشریات چوہدری فواد حسین
APP35-17
LAHORE: March 17- Federal Minister for Information and Broadcasting, Chaudhry Fawad Hussain addressing a press conference. APP Photo by Ch. Mubarak Ali
لاہور۔17 مارچ(اے پی پی ) وفاقی وزیر اطلاعات و نشریات چوہدری فواد حسین آکھیے جو اپوزیشن دی خواہش تے احتساب نئیں رُک سگدا، قوم دا لٹیا پیسہ ولا ولنڑاں چاہیدے، نواز شریف کولوں پلی بار گین دا آپشن موجود اے جیندے کیتے او اپلائی کرسگدن،نوازشریف دے علاج کیتے غیر معمولی اقدامات کیتن بھل نوازشریف انکاری ہین،(ن) لیگ دا ہک گروپ نواز شریف دی بیماری تے سیاست کرنڑ چاہندے ۔اے گالھ وفاقی وزیر اطلاعات و نشریات چوہدری فواد حسین اسلام آباد اچ ہک اجلاس توں بعد پریس کانفرنس نال خطاب اچ آکھی۔ ایں موقع تے صوبائی وزیر صحت ڈاکٹر یاسمین راشد‘ وزیر صنعت میاں اسلم اقبال‘ ترجمان وزیر اعلیٰ پنجاب ڈاکٹر شہباز گل اتے ایڈووکیٹ جنرل پنجاب احمد اویس وی موجود ہن۔ چوہدری فواد حسین آکھیے جو اجلاس اچ سابق وزیر اعظم نواز شریف کو ںپنجاب حکومت ولوں علاج معالجہ دیاں سہولتاں دا جائزہ گھدا گئے۔انہا ں آکھیے جو نوازشریف دی خرابی صحت دی شکایت تے ہر ممکن علاج دیاں سہولتاں ڈتیاں گین، انہاں دے ٹیسٹ وی کیتے گین بھل انہاں دا ٹبر چاہندے جو نوازشریف کوں لندن بھیجا ونجے حالانکہ نواز شریف دی صحت اچ پیچیدگی لندن دے ڈاکٹروں پاروں ہی تھئی اے،نوازشریف کوں انہاںپاکستانی ہسپتالاں تے اعتماد ہے نہ ایں نظام تے جیندے اچ انہاں 30سال حکمرانی کیتی اے،انہاں کوں حکومت تے وی اعتراض اے اتے او عدالت توں وی رسیے بیٹھن بھل وزیر اعظم عمران خان پنجاب حکومت کوں نوازشریف دا ہر ممکن علاج کرنڑ دی ہدایت کیتی اے۔پاکستان اچ ہر سہولت دے باوجودنوازشریف اتے انہاں دا ٹبر لندن علاج چاہندے،جیکر اے چاہندن جو احتساب رک ونجے یا انہاں دی مڑضی دے مطابق تھیوے تاں اے نئیں تھی سگدا، قوم دا لٹیا گیا پیسہ ولا ولنڑاں چاہیدے،جیکر چاہون تاں پلی بارگین دا آپشن استعمال کر گھنن ۔
